"Cening bagus mas ibapa"
Bisa patuhe makejang,
makejang bakat adanin..
Asal Pura ngelah adan,
sami Dewa ngalinggihin..
Dewa mekejang bakat adanin,
Dewa mkejang bakat linggihang..
Saja masih nyandang gugu,
dening puluk mangojahang..
Makejang ajak ngadanin,
mangadanin sane pelih..
Sane liu papak kadenang,
gugu tenget ya takutin..
Da ja sanget guguna,
da papak bakat buduhang..
Ne tidong bakat gugunin,
nyandang gugu, pencare pasangang..
Pura-Sanggah nto sima,,
Pura pinaka lesung,
Pura anggo gegunungan..
Apang ade genah mebakti,
makumpul watek jadmi..
Mangrembugang daya patut,
apang ada anggo sikut..
Genah melutin latah,
apang tusing dadi benyah..
Yening suba putus budi,
apang tusing paling kapti..
Tingkah anggo matuutin,
laksana becik angge manyaurin..
Apang dadi madan sukla,
nyuklayang suwunging budhi..."
Singa Minambara (Pangeran Lor)
